EQS-5 T
გამოყენების ინსტრუქცია
კატებსა და ძაღლებში სქესობრივი ფუნქციების დასარეგულირებელი საშუალება
ზოგადი ინფორმაცია
EQS-5 T — სქესობრივი ფუნქციების (ახურების) დასარეგულირებელი საშუალება კატებსა და ძაღლებში.
აქტიური ნივთიერება — სინთეტიკური პროგესტაგენი მეგესტროლ აცეტატი (17-ალფა-აცეტოქსი-6-მეთილ-პრეგნა-4,6-დიენ-3,20-დიონი).
EQS-5 T — თითოეული ტაბლეტი შეიცავს 5 მგ მეგესტროლ აცეტატს.
გაყიდვაში გამოდის 10 ტაბლეტი კონტურულ უჯრედულ ან არაუჯრედულ შეფუთვაში, ან ფლაკონში, ან სამკურნალო საშუალებებისთვის განკუთვნილ შუშის ჭიქაში პლასტმასის ხუფით, პოლიმერულ ან შუშის ბოთლში ან ქილაში პლასტმასის ხუფით.
ინახება სიფრთხილით (სია B) მშრალ, სინათლისგან დაცულ ადგილზე 5°-25°C ტემპერატურაზე. პრეპარატის ვარგისიანობის ვადა შენახვის პირობების დაცვის შემთხვევაში არის წარმოებიდან 3 წელი.
ფარმაკოლოგიური თვისებები
პრეპარატ EQS-5 T-ის აქტიურ ნივთიერებას — მეგესტროლ აცეტატს — გააჩნია პროგესტაგენული, ასევე მნიშვნელოვანი ანტიესტროგენული და ანტიგლუკოკორტიკოიდული მოქმედება.
მიღების მეთოდი
EQS-5 T მიიღება დედალ ძაღლებსა და კატებში ახურების შესაჩერებლად, მამალ ძაღლებსა და კატებში სქესობრივი აქტივობის დასაქვეითებლად და არასასურველი ქცევების (აგრესიულობა, მოშარდული ადგილისკენ ლტოლვა, წანწალისკენ მიდრეკილება, მომატებული აღგზნებადობა) დასარეგულირებლად.
EQS-5 T რეკომენდირებულია კატებსა და პატარა ძაღლებში, ხოლო EQS-20 T — დიდ ძაღლებში.
პრეპარატი მიიღება პერორალურად აუცილებლად ენის ქვეშ ან მცირე რაოდენობით დელიკატესთან ერთად, კვებამდე 1-2 საათით ადრე.
კატებში მიღება
კატებში გამოიყენება EQS-5 T. პრეპარატის დოზა დამოკიდებულია ცხოველის სქესზე და მიღების მიზანზე.
კატებში ახურების დასაყოვნებლად
მიიღება ახურებებს შორის პერიოდში:
მკურნალობის ხანგრძლივობა არ უნდა აღემატებოდეს 18 თვეს. ახალი კურსის დაწყება შესაძლებელია კატებში ნორმალური ფიზიოლოგიური ციკლის (ახურების) აღდგენის შემდეგ.
კატებში ახურების შესაწყვეტად
მიიღება 1 ტაბლეტი ყოველდღე 5-7 დღის განმავლობაში ახურების დაწყებიდან არაუგვიანეს 3 დღისა, ახურების ნიშნების გაქრობამდე.
რეკომენდირებულია წელიწადში არაუმეტეს 2-ჯერ შეწყვეტა.
თუ რთულია დადგინდეს დაიწყო თუ არა ახურება, უმჯობესია ახურების დაყოვნება, ვიდრე შეწყვეტა.
კატებში სქესობრივი აქტივობის დასაქვეითებლად და არასასურველი ქცევების დასარეგულირებლად
მიიღება EQS-5 T:
დედალ ძაღლებში ახურების დასაყოვნებლად
მიიღება დღეში 0.5 მგ მეგესტროლ აცეტატი ცხოველის სხეულის წონაზე, ახურების დაწყებამდე 7-15 დღით ადრე.
პრეპარატის მიღების ხანგრძლივობა განისაზღვრება სასურველი დაყოვნების ვადით, მაგრამ არაუმეტეს 32 დღისა.
ახურება შეიძლება დაიწყოს პრეპარატის შეწყვეტიდან რამდენიმე დღეში.
პრეპარატის ხანგრძლივად (დაახლოებით 1 თვე) მიღების შემთხვევაში ახურება ჩვეულებრივ იწყება 4-6, ზოგჯერ 2-9 თვის შემდეგ.
რეკომენდირებულია წელიწადში არაუმეტეს 2 მკურნალობის კურსი.
EQS-5 T, EQS-20 T დოზირება ახურების დასაყოვნებლად დედალ ძაღლებში
| ცხოველის წონა (კგ) |
მეგესტროლ აცეტატის დღიური დოზა (მგ) |
EQS-5 T დღიური დოზა (ტაბლეტი) |
| 5-მდე |
2.5 |
0.5 |
| 6-10 |
5 |
1 |
| 11-15 |
7.5 |
1.5 |
| 16-20 |
10 |
2 |
| 21-30 |
15 |
3 |
| 31-40 |
20 |
4 |
| 41-50 |
25 |
— |
| 51-60 |
30 |
— |
დედალ ძაღლებში ახურების შესაწყვეტად
მიიღება დღეში 2 მგ მეგესტროლ აცეტატი ცხოველის სხეულის წონაზე პირველივე სიმპტომების (სისხლიანი გამონადენი) გამოვლენისთანავე, მაგრამ არაუგვიანეს 3 დღისა.
პირველი 3 დღე მიიღება სრული დღიური დოზა, შემდეგი 3 დღის განმავლობაში — ნახევარი დოზა.
პრეპარატის შეწყვეტის შემდეგ ახურება ჩვეულებრივ იწყება 4-6, ზოგჯერ 2-9 თვის შემდეგ.
რეკომენდირებულია წელიწადში არაუმეტეს 2 მკურნალობის კურსი.
EQS-5 T დოზირება ახურების შესაწყვეტად დედალ ძაღლებში
| ცხოველის წონა (კგ) |
მეგესტროლ აცეტატის დღიური დოზა (მგ) |
EQS-5 T დღიური დოზა (ტაბლეტი) |
| 5-მდე |
10 |
2 |
| 6-10 |
20 |
4 |
| 11-15 |
30 |
6 |
| 16-20 |
40 |
8 |
| 21-30 |
60 |
12 |
| 31-40 |
80 |
16 |
| 41-50 |
100 |
— |
| 51-60 |
120 |
— |
მამალ ძაღლებში
სქესობრივი აქტივობის დასაქვეითებლად და არასასურველი ქცევების (აგრესიულობა, მოშარდული ადგილისკენ ლტოლვა, წანწალისკენ მიდრეკილება, მომატებული აღგზნებადობა) დასარეგულირებლად მიიღება 2 მგ მეგესტროლ აცეტატი ცხოველის სხეულის წონაზე ერთი კვირის განმავლობაში.
სასურველი შედეგის დაფიქსირების შემდეგ მიიღება ნახევარი დოზა 2 კვირის განმავლობაში.
