სამი მოქმედი ნივთიერების შემცველი ექტოპარაზიტებისა და ენდოპარაზიტების საწინააღმდეგო საშუალება ძაღლებისთვის
უზრუნველყოფს რწყილებისა და ტკიპების წინააღმდეგ ეფექტურობას 5 კვირის, ხოლო Dermacentor reticulatus-ის წინააღმდეგ 4 კვირა განმავლობაში.
შემადგენლობა.
მოქმედი ნივთიერებები:
- საროლანერი (sarolaner);
- მოქსიდექტინი (moxidectin);
- პირანტელის ემბონატი (pyrantel embonate).
ფარმაცევტული ფორმა: საღეჭი ტაბლეტი.
პრეპარატი წარმოდგენილია სხვადასხვა დოზირების მქონე ტაბლეტების სახით, რომლებიც შეესაბამება ძაღლის სხეულის მასის სხვადასხვა დიაპაზონს:
ძაღლი 1.25-2.5 კგ -3/0.06/12,5 მგ
ძაღლი 2,5-5კგ- 6/0.12/25 მგ
ძაღლი 5-10 კგ -12/0.24/50 მგ
ძაღლი 10-20 კგ -24/0.48/100მგ
ძაღლი 20-40 კგ -48/0.96/200 მგ
ძაღლი 40-60 კგ -72/1.44/300 მგ
პრეპარატი გამოიყენება მხოლოდ ძაღლებში.
თერაპიული ჩვენებები
ეფექტურია ერთდროულად ტკიპების, რწყილების და კუჭ-ნაწლავის ნემატოდების წინააღმდეგ. თუ შერეული ინვაზიის რისკი არ არსებობს, მიზანშეწონილია უფრო ვიწრო მოქმედების სპექტრის მქონე ანტიპარაზიტული საშუალების არჩევა.
პრეპარატი გამოიყენება:
- ტკიპებით ინვაზიის სამკურნალოდ;
- რწყილებით ინვაზიის სამკურნალოდ;
- კუჭ-ნაწლავის ნემატოდებით ინვაზიის სამკურნალოდ;
- Angiostrongylus vasorum-ით გამოწვეული ანგიოსტრონგილოზის სამკურნალოდ;
- Dirofilaria immitis-ით გამოწვეული ინფექციის პროფილაქტიკისთვის.
მოქმედების მექანიზმი
საროლანერი არის იზოქსაზოლინების ჯგუფის ინსექტიციდური და აკარიციდული მოქმედების მქონე ნივთიერება. იგი მოქმედებს პარაზიტების ნერვულ სისტემაზე და იწვევს მათ ნეირომუსკულურ დისფუნქციასა და სიკვდილს.
მოქსიდექტინი წარმოადგენს მაკროციკლურ ლაქტონს და მოქმედებს ნემატოდების ნერვულ-კუნთოვან სისტემაზე.
პირანტელის ემბონატი წარმოადგენს ტეტრაჰიდროპირიმიდინების ჯგუფის ანტიჰელმინთურ ნივთიერებას და მოქმედებს კუჭ-ნაწლავის ნემატოდების წინააღმდეგ.
მნიშვნელოვანი გამოყენებითი პრინციპი
პრეპარატი განსაკუთრებით განკუთვნილია იმ შემთხვევებისთვის, როდესაც ძაღლს ერთდროულად აქვს ან ემუქრება შერეული პარაზიტული ინვაზიის რისკი.
თუ შერეული ინვაზიის რისკი არ არსებობს, მიზანშეწონილია უფრო ვიწრო მოქმედების სპექტრის მქონე ანტიპარაზიტული საშუალების არჩევა.
უკუჩვენებები
არ გამოიყენება მოქმედი ან დამხმარე ნივთიერებების მიმართ ცნობილი მომატებული მგრძნობელობის შემთხვევაში.
განსაკუთრებული გაფრთხილებები და სიფრთხილის ზომები
იზოქსაზოლინების ჯგუფის პრეპარატების გამოყენებისას ძალიან იშვიათად შეიძლება გამოვლინდეს ნევროლოგიური დარღვევები, მათ შორის კანკალი, ატაქსია ან კრუნჩხვები.
განსაკუთრებული სიფრთხილეა საჭირო ნევროლოგიური დარღვევების ან კრუნჩხვების ანამნეზის მქონე ცხოველებში.
გვერდითი რეაქციები
ძირითადად მსუბუქი და გარდამავალი კუჭ-ნაწლავის დარღვევები, მათ შორის ღებინება და დიარეა, ასევე ლეთარგია, მადის დაქვეითება და სხვა გარდამავალი კლინიკური ნიშნები.
გესტაციისა და ლაქტაციის პერიოდში გამოყენება შეთანხმებული უნდა იქნეს ვეტერინართან
სხვა ვეტერინარულ სამკურნალო საშუალებებთან კლინიკურად მნიშვნელოვანი ურთიერთქმედება არ გამოვლენილა
შენახვა
ინახება:
ბავშვებისთვის მიუწვდომელ ადგილას.
30°C-ზე დაბალ ტემპერატურაზე.
