ვეტერინარული პრეპარატი „ოქსიკლოზანიდი 500“

ანოტაცია

სავაჭრო დასახელება:

ოქსიკლოზანიდი 500

OXYCLOZANIDE 500

წამლის ფორმა:

1200 მგ-იანი პერორალური ბოლუსი

აღწერა:

მოყვითალო ფერის, მოგრძო ფორმის ბოლუსი, ორმხრივ ამოზნექილი ზედაპირით, გარსის გარეშე, ცალ მხარეს გამყოფი ჭდით, მეორე მხარეს მწარმოებლის ლოგოს აღნიშვნით. ბოლუსის ზომებია: 22 x 12 x 6 (მმ).

შემადგენლობა:

ერთი ბოლუსი  შეიცავს

აქტიური სუბსტანცია:          ოქსიკლოზანიდი        500 მგ

ფარმაკოლოგიური ჯგუფი:

ანტიჰელმინთური საშუალება.

ATC vet code:

QP52AG06 - ოქსიკლოზანიდი

ფარმაკოლოგიური მოქმედება:

ოქსიკლოზანიდი მიეკუთვნება სალიცილამიდის ჯგუფს და ეფექტურია ტრემატოდების მომწიფებული ფორმების მიმართ. ოქსიკლოზანიდს გააჩნია მკვეთრად გამოხატული ანტიჰელმინთური აქტივობა Fasciola spp.-ს, Paramphistomum spp.-ს და Dicrocoelium lanceatum-ის მიმართ. მოქმედების მექანიზმი დაფუძნებულია ჟანგვითი ფოსფოლირების წარმართვაზე. პრეპარატის მოქმედებით ჰელმინთებში მცირდება ფურამატრედუქტაზას და სუქცინატდეჰიდროგენაზას აქტივობა, რაც საბოლოოდ იწვევს პარაზიტის დამბლას და სიკვდილს.

პერორალური მიღებისას ოქსიკლოზანიდი სწრაფად შეიწოვება კუჭ-ნაწლავის ტრაქტში და მალევე აღწევს ორგანოებამდე. მაქსიმალური კონცენტრაცია სისხლის შრატში აღინიშნება 2 – 3 საათის შემდეგ. თერაპიული კონცენტრაცია ნარჩუნდება 24 საათის განმავლობაში. ძირითადი ნაწილი გამოიყოფა შარდთან, მცირე რაოდენობა ფეკალიებთან ერთად. პრეპარატი გავლენას არ ახდენს ცხოველის მაკეობაზე, არ ახასიათებს ადგილობრივი გამაღიზიანებელი და მასენსიბილიზებელი ეფექტი.

ჩვენება:

„ოქსიკლოზანიდი 500“ გამოიყენება მსხვილფეხა რქოსანი პირუტყვის, ცხვრის, თხის სადეჰელმინთიზაციოდ ცესტოდოზების, პარამფისტომატოზის, ფასცილოზის და დიკროცელიოზის  დროს.

მიღების  წესი და  დოზირება:

პრეპარატი სამიზნე სახეობებს ეძლევა წინასწარი დიეტის გარეშე, პერორალურად, ინდივიდუალური მეთოდით ერთჯერადად.  

მსხვილფეხა რქოსანი პირუტყვი, ცხვარი, თხა - ცესტოდოზების დროს - 1 ბოლუსი 50 კგ  ცოცხალ წონაზე. პარამფისტომატოზის, ფასციოლოზის და დიკროცელიოზის  დროს - 1 ბოლუსი 35 კგ ცოცხალ  წონაზე.

განმეორებითი მკურნალობა დასაშვებია ორი კვირის შემდეგ. 

გვერდითი მოვლენები:

გვერდითი მოვლენები და გართულებები „ოქსიკლოზანიდი 500“-ს ინსტრუქციის შესაბამისად გამოყენებისას არ  ვლინდება.

ჭარბი დოზირებისას მოსალოდნელია ჰიპერსალივაცია, გახშირებული შარდვა ან დიარეა. აღნიშნული სიმპტომები, როგორც წესი, ქრება 2 – 3 დღეში.

უკუჩვენებები:

პრეპარატი არ გამოიყენება სხვა ანტიჰელმინებთან კომბინაციაში.

პრეპარატის აქტიური კომპონენტების მიმართ ცხოველის ინდივიდუალური მგრძნობელობის მომატებისას  ან/და ალერგიული რეაქციების გამოვლენისას მისი გამოყენება წყდება.

ღვიძლის ფუნქციის დარღვევისას.

„ოქსიკლოზანიდი 500“-ს გამოყენება მიზანშეწონილი არ არის მოგებამდე ბოლო ორი კვირის პერიოდში.

ლოდინის    პერიოდი:

 ხორცი - 14 დღე 

 რძე - 24 საათი

განსაკუთრებული მითითებები (უსაფრთხოების ზომები):

ოქსიკლოზანიდთან მუშაობისას დაცული უნდა იქნას პირადი ჰიგიენისა და უსაფრთხოების ზოგადი  წესები, რომელიც გათვალისწინებულია ვეტერინარულ პრეპარატებთან მუშაობის დროს.

გამოშვების ფორმა:

ბოლუსი #100 მოთავსებული პოლიეთილენ ტერეფტალატის ფლაკონში

შენახვის პირობები:

ინახება ოთახის ტემპერატურაზე, მშრალ, სინათლისგან დაცულ, ბავშვებისათვის მიუწვდომელ ადგილას.

ვარგისობის ვადა:

3 წელი.

მწარმოებელი ქვეყანა:

საქართველო

მწარმოებელი კომპანია:

შ.პ.ს. „დავათი“

ქ. თბილისი, გრ.ხანძთელის ქ.№10